Your browser is out-of-date.
To get a better experience with our home designs, please download other browsers for free. Just click on the icon!
ہم نے کچھ انتہائی ناگفتہ بہ حالت گھردیکھے ہیں اور ہربارہمیں یقین ہوچکا تھا کہ اس گھر کو اب بچایا نہیں سکتا۔ مگرہربارماہرِتعمیرات اورکاریگروں نے انتہائی زبوں حال اور تباہ شدہ گھروں کی ازسرِنو بحالی کرکے ہمیں غلط ثابت کیا ہے۔ آج ہم آپکو ایسا ہی گھر دکھا رہے ہیں جسکے بارے میں ہمیں یقین ہے کہ آپ بھی ہماری طرح ششدررہ جائیں گے کیونکہ اسکی تباہ حالی دیکھ کر کوئی یقین نہیں کر سکتا تھا کہ اسکو بچایا بھی جا سکتا تھا کجا یہ کہ وہ ایک خوبصورت گھر میں تبدیل ہوجائے۔ اس گھر کے بارے میں ہمیں یقین تھا کہ اسکو گرادیا جائے گا ۔ مگرایک بارہم پھرغلط ثابت ہوئے۔ تو آئیے ہمارے ساتھ اور زبردست تبدیلی کے اس سفرسے لطف اندوز ہوں۔
بھلا کوئی اس باورچی خانے کو دیکھ کر یہ کیوں سوچے گا کہ اسکو ٹھیک کیا جاسکتا ہے۔ اسمیں پہلے کا کچھ نہیں بچا، دیواریں گر رہی ہیں اور ناقابلِ استعمال خانہ دار الماریوں کی ایک کثیر تعداد موجود ہے۔ مشکل سے کوئی باورچی یہاں کھانا بنانے کے بارے میں سوچے گا۔ ہمارا خیال ہے کہ ہم اسکو دیکھتے ہی چلتے بنیں گے مگر کسی نے ایسا نہیں کیا۔
ہم آپکویقین دلاتے ہیں کہ یہ وہی کمرہ ہے۔ ہم نے یقین کرنے کے لئے کئی تجاویز اورمضامین کھنگالے کیونکہ تبدیلی اتنی عمدہ ہے کہ ہمیں خود بھی یقین نہیں آیا ۔کھلا، جدید اوراصلی تعمیرکی طرف صرف ایک ہلکے سے اشارے کے ساتھ( گرینائٹ کا طاقچہ جسمیں اوون لگا ہے) یہ اب ایک ناقابلِ یقین حد تک خوبصورت باورچی خانہ ہے۔
اب دیکھئے کہ باورچی خانے کی بحالی کسطرح ممکن ہوئی۔ مالکان نے گھر خریدنے کے بعد ٹھیکیدار کو دیواروں سمیت اندرونی تعمیر کا ایک ایک حصہ اُکھاڑنے کو کہا ۔ یہ جاننے کے بعد کہ یہ گرا کر ازسر نو تعمیر اور آرائش کئے جانے کا ایک منصوبہ تھا ہم کچھ نتائج کی توقع کرسکتے ہیں۔
ٓ
لکڑی کا پالش شدہ فرش،وضع دار سٹوریج اورڈیزائنر کی ڈیزائن شدہ کرسیاں اس سادہ سے رہنے سہنے کے کمرے میں ایک نئی روح پھونک رہی ہیں۔ ہموارسفید دیواروں کی وجہ سے یہ جگہ روشن، ہوادار اور بہت ہی باوقار لگ رہی ہے۔ حالانکہ معمول سے تھوڑی ہٹ کہ آرائش کی کنجائش نکل رہی ہے مگر ہمیں آرائش کا سادہ پن پسند آیا۔
ہم نے کہا تھا کہ کچھ بہت ہی شاندار تبدیلیوں کی توقع رکھیں اور یہ سیڑھیاں ان میں سے غالباً سب سے بہترین تبدیلی ہے۔ سفید رنگ اور لکڑی کی آرائش کو مدنظر رکھتے ہوئے یہ چھوٹی روشنیاں ہیں جوگہرا اثر ڈال رہی ہیں۔ یہی وجہ ہے کہ دیوار پر لگی یہ روشنیاں ہمیں بہت پسند آئی ہیں۔ اور ہمیں یہ بھی نہیں بھولنا چاہئے کہ یہ کِسقدر قابلِ استعمال ہیں۔
آرائش کرتے وقت عموماً گھرمیں عام آمد ورفت اور زیادہ استعمال ہونے والی جگہوں پر زیادہ توجہ دی جاتی ہے مگر یہاں ہم دیکھ سکتے ہیں کہ خوابگاہوں کی سجاوٹ پر بھی خصوصی توجہ دی گئی ہے۔ سٹوریج کا حل بہت خوبی سے نکالا گیا ہے، فرش نہایت عمدہ ہے اور قدرتی روشنی وافرمقدار میں آرہی ہے اور یہ سب اجزاء مل کراس خوابگاہ کو ایسی جگہ بنارہے ہیں جہاں ہم آرام سے خوابِ خرگوش کے مزے لے سکتے ہیں۔
گھر کی ازسرِ نو آرائش کے مزید تحاریک کے لئے اس مضمون کو ملاحظہ کریں ایک کھنڈر گھرکی فیشن ایبل آرائش
